Clywais sôn gan un a'm carai,
Ddyddiau gloewon
Ieunac oed,
Fod y Tylwyth Teg yn chwarae
Dawnsio'n hoewon
Dan y coed.

Chwilias hyd y dolau ganwaith,
Dan ganghennau
Derw y fro,
Gwelais hwy yn dawnsio'n lanwaith
Fân ddolennau
Lawer tro.

Lawer noswaith, hir ddisgwyliais
Lle'r ymlonnynt
Wedi hyn,
Ond ni welais, er a wylais,
Un ohonynt
Yn y glyn.

Eto ceisaif, er a fynno
Oes ddiawen
Dan ei rheg,
Ddychwel adref a chael yno
Ieuanc lawen
Dylwyth Teg!